ملک بھر میں سرکاری اہلکاروں کی تقرریوں اور تبادلوں پرپابندی

سرکاری ملازم کی انفرادی حیثیت میں بھی تقرر یا تبادلے پرمکمل پابندی عائد ہوگی، الیکشن کمیشن۔ فوٹو: فائل

---

الیکشن کمیشن آف پاکستان نے عام انتخابات تک ملک بھر میں سرکاری اہلکاروں کی تقرریوں اور تبادلوں پر پابندی عائد کردی ہے۔

الیکشن کمیشن کی جانب سے جاری کئے گئے نوٹیفیکیشن کے مطابق سرکاری ملازموں کی انفرادی حیثیت میں بھی تقرری یا تبادلے پرمکمل پابندی عائد ہوگی، الیکشن کمیشن کے احکامات کی خلاف ورزی پر سرکاری اہلکاروں کے خلاف قانونی کارروائی کی جائے گی۔

نوٹیفیکیشن کے مطابق صدر مملکت، نگراں وزیر اعظم، وزیر اعلیٰ اور ان کے مشیران کے علاوہ چیئرمین و ڈپٹی چیئرمین سینیٹ بھی کسی انتخابی حلقے کا دورہ نہیں کرسکیں گے تاہم قومی و صوبائی اسمبلیوں کے اسپیکر و ڈپٹی اسپیکرز کو انتخابی مہم چلانے کی اجازت ہوگی۔