آنجہانی مائیکل جیکسن کے معروف میوزک ویڈیو ''تھرلر'' پر ملنے والا ایم ٹی وی ایوارڈ لاس اینجلس کے نیلام گھر میں نیلامی کے لئے پیش کردیا گیا۔
معروف گلوکار کے اس ایوارڈ کی نیلامی 2 اپریل 2013 تک جاری رہے گی جبکہ نیلام گھر کی انتظامیہ کا کہنا ہے کہ یہ خوبصورت ایوارڈ ایک لاکھ ڈالر میں فروخت ہونے کی توقع ہے۔
واضح رہے کہ 1984 میں بنائی جانے والی اس میوزک ویڈیو کی 6 کروڑ سے زائد کاپیاں فروخت ہوئی تھیں اور میوزک ویڈیو نے 8 گریمی ایوارڈ بھی حاصل کیے۔