پنجاب اور سندھ میں پولیس ماورائے عدالت ہلاکتوں میں ملوث ہے عمران خان

خیبر پختونخوا ایکٹ کے ذریعے صوبے کی پولیس کو مکمل طور پر غیر سیاسی کردیا گیا ہے، چیئرمین تحریک انصاف

ویب ڈیسک February 01, 2018

ملاقات میں خواجہ آصف نااہلی کیس سے متعلق پیشرفت کا بھی جائزہ لیا گیا۔ فوٹو: فائل

تحریک انصاف کے چئیرمین عمران خان کا کہنا ہے کہ پنجاب اور سندھ پولیس ماورائے عدالت ہلاکتوں میں ملوث ہے۔

ایکسپریس نیوزکے مطابق عمران خان نے ٹوئٹ میں کہا ہے کہ خیبر پختونخوا کی خودمختار، پیشہ ور اور غیرسیاسی پولیس کا پنجاب اور سندھ پولیس سے کوئی موازنہ نہیں کیا جاسکتا۔

There can be no comparison between the autonomous, depoliticised and professional kP police and totally politicised and non professional Sindh and Punjab police. https://t.co/HHbCxnZZ7W
— Imran Khan (@ImranKhanPTI) February 1, 2018

چیئرمین تحریک انصاف کا کہنا تھا کہ خیبر پختونخوا ایکٹ کے ذریعے صوبے کی پولیس کو مکمل طور پر غیر سیاسی کردیا گیا ہے جب کہ پنجاب اور سندھ میں پولیس سیاسی مخالفین کو کچلنے اور ماورائے عدالت ہلاکتوں میں ملوث ہے۔

The KP Police Act has completely depoliticised the police force, whereas in Sindh and Punjab the police is used to victimise opponents and on occasions kill them extra judicially https://t.co/bXZSDg52jA
— Imran Khan (@ImranKhanPTI) February 1, 2018

دریں اثنا عمران خان نے تحریک انصاف کے رہنماعثمان ڈار سے ملاقات میں خواجہ آصف نااہلی کیس سے متعلق پیش رفت کا بھی جائزہ لیا۔ عمران خان نے عثمان ڈارکو تمام دستاویزی ثبوت میڈیا کوجاری کرنے کی ہدایت کرتے ہوئے کہا کہ خواجہ آصف شریف خاندان کے منی لانڈرنگ گینگ کا حصہ ہیں اوروزیرخارجہ کی کرپشن اورمنی لانڈرنگ کو ہرسطح پراٹھایا جائے۔