ایف آئی اے نے فحش مواد سے لوگوں کو بلیک میل کرنے والے 3 افراد کو گرفتار کرلیا

ایف آئی اے نے مالاکنڈ میں کارروائی کرتے ہوئے فحش مواد کے ذریعے لوگوں کو بلیک میل کرنے والے 3 افراد کو گرفتار کرلیا۔


ایکسپریس نیوز کے مطابق خیبر پختون خوا ضلع مالا کنڈ کے علاقے بٹ خیلہ میں ایف آئی اے کرائم سرکل پشاور کی ٹیم نے کارروائی کی ہے جس کے دوران سائبر کرائم میں ملوث بڑا نیٹ ورک بے نقاب ہوا ہے اور اس گروہ کے 3 ملزمان کو گرفتار کرلیا گیا ہے جو لوگوں کو فیس بک کے ذریعے بلیک میل کرتے تھے۔

ایف آئی اے کے مطابق ملزمان فحش تصاویر اور ویڈیوز بنا کر لوگوں کو بلیک میل کرتے تھے، ملزمان نے سیکڑوں فیس بک آئی ڈی رکھنے کا اعتراف کرلیا، ملزمان کو مزید تفتیش کے لیے نامعلوم مقام پر منتقل کردیا گیا ہے۔