محمد عامر کی نوعمری میں ڈانس کی وڈیو سامنے آ گئی

محمد عامرکی رقص کی ویڈیو کو سوشل میڈیا پر خوب پسند کیا جارہا ہے

Sports Desk February 02, 2018

محمد عامرکی رقص کی ویڈیو کو سوشل میڈیا پر خوب پسند کیا جارہا ہے۔ فوٹو: فائل

قومی کرکٹر محمد عامر کی نوعمری میں کزن کی شادی میں گانے پر رقص کی ویڈیو کو سوشل میڈیا پر خوب پسند کیا جا رہا ہے۔

یہ وڈیو محمد عامر کے کرکٹ میں مقبول ہونے سے قبل ان کے کزن کی شادی پر بنائی گئی ہے جو اب سوشل میڈیا پر مقبولیت حاصل کر رہی ہے، وڈیو میں محمد عامر کو بھارتی گانے "Be twist" پر رقص کرتے ہوئے دیکھاجا سکتا ہے، ان کی وڈیو کو سوشل میڈیا پر کافی پذیرائی مل رہی ہے، اور ان کے مداحوں نے ان کی رقص میں مہارت کی تعریف کی ہے۔

Young m Amir dancing video😀(vid gujar khan cricket) pic.twitter.com/JfdHTGg8jb
— Saleem Khaliq (@saleemkhaliq) February 1, 2018

واضح رہے کہ محمد عامر کا تعلق گوجر خان سے ہے، انہیں بچپن سے کرکٹ کا شوق تھا اور ان کے والد انہیں پڑھائی پر دھیان دینے کا کہتے تھے تاہم وہ کرکٹ میں مگن رہے اور بالآخر وہ اپنی لگن اور محنت کی بدولت قومی کرکٹ ٹیم میں جگہ بنانے میں کامیاب رہے اور دنیا بھر کے بیٹسمینوں کو تگنی کا ناچ نچایا۔