جان ابراہم کی فلم چوتھی بار تاخیر کا شکار

جان ابراہم کی فلم ’پرمانو دی اسٹوری آف پوکھران‘ کا نیا پوسٹر بھی جاری کردیا گیا۔ فوٹو: فائل

---

بالی ووڈ کے ایکش ہیرو جان ابراہم کی نئی فلم 'پرمانو دی اسٹوری آف پوکھران' کی ریلیز چوتھی بار تاخیر کا شکار ہو گئی۔

بالی ووڈ کے ایکشن ہیرو جان ابراہم کے ستارے آج کل گردش میں ہیں کیوں کہ ان کی نئی فلم 'پرمانو دی اسٹوری آف پوکھران' کی ریلیز چوتھی بار تاخیر کا شکار ہو گئی، اس سے قبل اُن کی مشہور فلم 'فورس' کا دوسرا سیکوئل بھی کشیدگی کا شکار ہوا تھا۔

بھارتی میڈیا رپورٹس کے مطابق 8 دسمبر کو ریلیز ہونے والی جان ابراہم کی نئی فلم 'پرمانو دی اسٹوری آف پوکھران' کی تاریخ کو تبدیل کرکے 23 فروری کردیا گیا تھا لیکن فلم 'سونو کی ٹیٹو کی سوئٹی' کی انتظامیہ کی درخواست پر فلم 2 مارچ کو ریلیز کرنے کا فیصلہ کیا گیا تاہم فلم کی مشکلات کو بریک نہ لگا اور اب ایک بار پھر انوشکا شرما کی فلم 'پری' کی وجہ سے فلم 2 مارچ کو ریلیز نہ کرنے کا فیصلہ کیا گیا ہے۔

#Parmanu #TheStoryOfPokhran, which was slated for release on 2 March 2018, will now release on 6 April 2018... Stars John Abraham, Diana Penty and Boman Irani... Abhishek Sharma directs... Poster announcing the new release date: pic.twitter.com/592G0lOASO

— taran adarsh (@taran_adarsh) February 2, 2018

بھارتی تجزیہ کار ترن ادارش نے سماجی رابطے کی ویب سائٹ پر اپنی ٹوئٹ میں جان ابراہم کی فلم کا نیا پوسٹر جاری کرتے ہوئے لکھا کہ ابھیشیک شرما کی ہدایت کاری میں بننے والی فلم 'پرمانو دی اسٹوری آف پوکھران' 2 مارچ کے بجائے اب 6 اپریل کو ریلیز کی جائے گی۔

واضح رہے فلم 1998 میں راجھستان کے علاقے پوکھران میں بھارت کی جانب سے جوہری دھماکوں کے ٹیسٹ پر مبنی ہے جب کہ فلم میں جان ابراہم کے ساتھ ڈیانا پنٹی اور بومن ایرانی مرکزی کرادر ادا کر رہے ہیں۔