راولپنڈی میں بڑی تعداد میں ملک دشمن لٹریچراوراسلحہ برآمد        

علاقے کو گھیرے میں لے کرکارروائی کا آغاز کردیا گیا ہے، پولیس۔ فوٹو: فائل

---

کلیال میں حساس ادارے اورپولیس نے مشترکہ کامیاب کارروائی کرتے ہوئے بڑی تعداد میں ملک دشمن لٹریچر اور ہتھیار برآمد کرلیا۔

ایکسپریس نیوز کے مطابق راولپنڈی کے ملحقہ علاقہ کلیال میں آپریشن ردالفساد کے تحت حساس ادارے اورپولیس کی جانب سے مشترکہ کارروائی کی گئی۔ آپریشن کے دوران بڑی تعداد میں ملک دشمن لٹریچر، لیپ ٹاپ ،موبائل فونزاورہتھیاربرآمد کرلیے گئے۔

پولیس اورحساس ادارے کی جانب سے علاقے کو گھیرے میں لے کرکارروائی کا آغاز کردیا گیا ہے جب کہ مختلف علاقوں میں چھاپے بھی مارے جارہے ہیں۔