کراچی میں جھاڑیوں سے ملی بچے کی لاش کا معمہ حل بھائی گرفتار

گزشتہ روز قتل ہونے والے 7 سالہ بچے حسان شاہ کے قتل میں اس کا سگا بھائی ملوث نکلا۔

ایکسپریس نیوز کے مطابق گزشتہ روز کراچی میں نیشنل اسپورٹس کمپلیکس میں جھاڑیوں سے ملنے والے بچے کی لاش کا معمہ حل ہوگیا۔ نیوٹاؤن پولیس اسٹیشن کی حدود سے لاپتہ ہونے والے7 سالہ حسان شاہ کے قتل میں اس کے بڑے بھائی محمد معاذ کو گرفتارکرلیا گیا۔

اس خبرکوبھی پڑھیں: کراچی میں 7 سالہ بچہ زیادتی کے بعد قتل


مقتول کا بھائی معاذ واقعے کے بعد چھپ گیا تھا تاہم تفتیش کرنے پرپتہ چلا کہ وہ دھوراجی میں اپنے چچا کے گھر چلا گیا تھا، پولیس نے شک کی بنیاد پر معاذ کو حراست میں لے لیا جہاں اس نے اپنے چھوٹے بھائی کے قتل کا اعتراف کرلیا۔

ملزم معاذ کا کہنا ہےکہ اس نے باپ کی ڈانٹ سے دلبرداشتہ ہوکر بدلہ لینے کے لیےاپنے بھائی کا قتل کیا۔ ملزم نے واقعے کی تفصیل بتاتے ہوئے کہا کہ وہ اپنے چھوٹے بھائی کو جھاڑیوں کے پاس بیر توڑنے کا کہہ کر لے گیا اور موقع پاتے ہی تار کی مدد سے بھائی کا گلہ دبا کر قتل کردیا، اس کے علاوہ بچے کی لاش تلاش کرنے کا ڈرامہ بھی ملزم نے ہی رچایا تھا۔

اس خبرکوبھی پڑھیں: سوتیلی بیٹی سے زیادتی کی کوشش

واضح رہے کہ گزشتہ روز نیوٹاؤن پولیس اسٹیشن کی حدود میں نیشنل اسپورٹس کمپلیکس کی جھاڑیوں سے 7 سالہ بچے کی لاش برآمد ہوئی تھی۔