پاکستان کی افغانستان کو کابل حملے کی مشترکہ تحقیقات کی پیشکش

کابل میں پاک افغان ورکنگ گروپ اجلاس میں سیکرٹری خارجہ تہمینہ جنجوعہ کی قیادت میں وفد نے شرکت کی فوٹو:ٹوئٹر

---

KARACHI: پاکستان نے افغانستان کو دہشتگردی کے حملے کی مشترکہ تحقیقات کی پیشکش کردی۔

سیکرٹری خارجہ تہمینہ جنجوعہ کی سربراہی میں پاکستانی وفد کابل پہنچ گیا جہاں پاک افغان پہلے ورکنگ گروپ کا اجلاس ہوا۔ سیکرٹری خارجہ تہمینہ جنجوعہ کی قیادت میں پاکستانی گروپ نے اجلاس میں شرکت کی۔ دفتر خارجہ اور اعلٰی عسکری حکام بھی اجلاس میں شریک ہوئے۔

#pakforpeace pic.twitter.com/g0adqofs03

— Dr Mohammad Faisal (@DrMFaisal) February 3, 2018

اس موقع پر گفتگوکرتے ہوئے سیکرٹری خارجہ تہمینہ جنجوعہ نے کہا کہ افغانستان پاکستان پر الزام تراشی سے اجتناب کرے، الزام تراشی کی بجائے دونوں ممالک تعاون کو مزید بہتر بنائیں۔ تہمینہ جنجوعہ نے افغانستان کو کابل میں ہونے والے حملے کی مشترکہ تحقیقات کی پیشکش کرتے ہوئے کہا کہ پاکستان دہشتگردی کے حملوں کی مذمت کرتا ہے۔ سیکرٹری خارجہ نے افغانستان پر زور دیا کہ اپنے ہاں موجود پاکستان مخالف دہشتگردوں کے خلاف کارروائی کرے اور اپنی حدود میں سرحدی حفاظت کا انتظام مضبوط کرے۔

Pakistan has offered joint investigation into the terrorist attacks

— Dr Mohammad Faisal (@DrMFaisal) February 3, 2018

ادھر اسلام آباد میں ترجمان دفتر خارجہ ڈاکٹر محمد فیصل نے کہا ہے کہ پاک افغان مذاکراتی عمل کا باقاعدہ آغاز ہوگیا ہے۔ افغانستان، پاکستان ایکشن پلان برائے تعاون کلیدی اہمیت کا حامل ہے، جس سے باہمی روابط مضبوط بنانے میں مدد ملے گی۔