کوئٹہ: ناگ کے مقام پر کوچ کی ٹکر سے 2 موٹر سائیکل سوار جاں بحق ہوگئے۔

لیویز ذرائع کے مطابق کوئٹہ میں ناگ کے مقام پر کوچ نے موٹر سائیکل کو ٹکر ماردی جس کے نتیجے میں موٹر سائیکل پر سوار 2 نوجوان موقع پر ہی جاں بحق ہوگئے جب کہ کوچ کا ڈرائیور موقع سے فرار ہوگیا۔

واقعے کے بعد پولیس موقع پر پہنچی اور لاشوں کو شناخت کے لئے اسپتال منتقل کردیا، پولیس نے تفتیش کا آغاز کرتے ہوئے کوچ کے ڈرائیور کی تلاش بھی شروع کردی۔