پنجگور میں دھماکے سے 2 خواتین جاں بحق ایک شخص زخمی

بلوچستان کے ضلع پنجگور میں ایک گھر میں دھماکے کے نتیجے میں 2 خواتین جاں بحق جب کہ ایک شخص زخمی ہوگیا۔


ایکسپریس نیوز کے مطابق ضلع پنجگور میں نوکاآباد کے علاقے میں گھر میں دھماکے کے نتیجے میں 2 خواتین جاں بحق اور ایک شخص زخمی ہوگیا، دھماکے کے بعد امدادی ٹیموں نے زخمی ہونے والے شخص کو اسپتال منتقل کیا جب کہ پولیس اور سیکیورٹی فورسز نے جائے وقوعہ کو گھیرے میں لے لیا۔

پولیس کے مطابق لاشوں کو اسپتال منتقل کردیا گیا ہے جہاں ضابطے کی کارروائی شروع کردی گئی ہے جب کہ دھماکے کی وجہ جاننے کے لیے تفتیش شروع کردی گئی ہے۔