کراچی کے علاقے زمزمہ میں کار پر فائرنگ چینی باشندہ ہلاک

سفید رنگ کی کار میں موجود ملزمان نے کار پر فائرنگ کی اور فرار ہوگئے، پولیس۔ فوٹو : ایکسپریس

---

زمزمہ میں نامعلوم افراد کی کار پر فائرنگ سے چینی شہری ہلاک ہوگیا۔

ایکسپریس نیوز کے مطابق کراچی کے علاقے زم زمہ میں نامعلوم افراد کی کار پر فائرنگ کے نتیجے میں چینی شہری ہلاک ہوگیا، پولیس کے مطابق سفید رنگ کی کار میں موجود ملزمان نے چینی شہری کی کار پر فائرنگ کی اور فرار ہوگئے۔

اس خبر کو بھی پڑھیں : 'را' اور 'این ڈی ایس' گلگت بلتستان میں سی پیک کو نقصان پہنچاسکتی ہیں

دوسری جانب ڈی آئی جی کراچی جنوبی آزاد خان نے واقعے سے متعلق وضاحت کرتے ہوئے کہا ہے کہ چینی شہریوں پر کار سوار ملزمان نے فائرنگ کی، جس کے نتیجے میں 2 چینی باشندوں سمیت 3 افراد زخمی ہوئے، ایک زخمی چینی شہری کی حالت تشویش ناک ہے۔ واقعے میں زخمی ہونے والے تینوں افراد شپنگ کمپنی کے ملازم ہیں، چینی شہریوں کو سیکیورٹی دی گئی تھی لیکن واقعے کے وقت وہ بغیر سیکیورٹی سفر کررہے تھے۔ شواہد کی روشنی میں شبہ ہے کہ چینیوں کو ٹارگٹ کیا گیا ہے کیونکہ جائے وقوعہ سے 9 ایم ایم پستول کے 9 خول ملے ہیں۔