ابوظہبی میں درجنوں گاڑیاں آپس میں ٹکرا گئیں متعدد افراد زخمی

حادثے میں بعض زخمیوں کی حالت تشویش ناک ہے فوٹو:انٹرنیٹ

---

متحدہ عرب امارات کے صدر مقام ابوظہبی میں درجنوں گاڑیاں آپس میں ٹکرانے کے نتیجے میں متعدد افراد زخمی ہوگئے۔

اماراتی میڈیا کے مطابق ابوظہبی کی مصروف شاہراہ شیخ محمد بن زید پر شدید دھند کے باعث حد ِ نگاہ انتہائی کم ہونے سے خوفناک ٹریفک حادثہ پیش آیا، جس میں 44 گاڑیاں آپس میں ٹکراگئیں اور ان میں سوار متعدد افراد زخمی ہوگئے، جنہیں طبی امداد کے لیے اسپتال منتقل کردیا گیا ہے۔

یہ خبر بھی پڑھیں: متحدہ عرب امارات ٹریفک حادثے میں 2 پاکستانی جاں بحق

ابوظہبی پولیس اور ٹریفک حکام کا کہنا ہے کہ حادثے میں بعض زخمیوں کی حالت تشویشناک ہے جب کہ کچھ کو کم نوعیت کے زخم آئے جنہیں طبی امداد کے بعد ڈسچارج کردیا گیا۔

حادثے کے بعد متاثرہ مقام کو ٹریفک کے لیے بند کردیا گیا اور شہریوں کو متبادل روٹس استعمال کرنے کی ہدایت کی گئی ہے۔ حکام نے حدِ نگاہ میں کمی کے باعث کارسواروں کو احتیاط کے پیشِ نظر رفتار کم رکھنے اور لائٹس چلانے کی ہدایت بھی کی ہے۔

09:58 - Multi car #Accident on E311 Shk Mohammed Bin Rashid Al Maktoum Rd after Al Samha br inbound. Traffic diverted to Al Samha bridge E11 Shk Maktoum Bin Rashid Rd @AbuDhabiDoT #uaetraffic

— Abu Dhabi Traffic (@ad_traffic) February 6, 2018