اسما قتل کیس میں خیبر پختونخوا پولیس کی کارکردگی بہت اعلیٰ رہی عمران خان

صرف ایک خون کے قطرے سے پولیس نے اسماقتل کیس حل کرلیا؛ عمران خان؛ فوٹوفائل

---

تحریک انصاف کے چیئرمین عمران خان نے ننھی اسما کے قاتل کی گرفتاری پر خیبرپختونخواپولیس کی کارکردگی کو سراہتے ہوئے کہا ہے کہ صرف ایک خون کے قطرے سے پولیس نے کیس حل کرلیا۔

مردان میں زیادتی کے بعد قتل ہونے والی 4 سالہ ننھی اسما کے کم عمر سفاک قاتل محمد نبی کو گرفتار کرلیا گیا ہے۔ چیئرمین پی ٹی آئی عمران خان نےاسما کیس میں خیبرپختونخوا پولیس کی کارکردگی کی تعریف کرتے ہوئے کہا ہے کہ پولیس کو خون کا صرف ایک قطرہ ملا، اس کے علاوہ کوئی دوسرا ثبوت یہاں تک کہ سی سی ٹی وی فوٹیج بھی نہیں تھی لیکن پھر بھی خیبرپختونخوا پولیس نے ملزم کو پکڑ لیا۔ کے پی پولیس جدید سائنسی اور فرانزک طریقے سے کام کرنے کی مہارت رکھتی ہے۔

Commendable work by the professional KP police force. In the Asma case, with just one spot of blood found & no other evidence, no CCTV footage, KP police worked professionally to catch culprit showing they have developed advanced forensic detection capability as well. pic.twitter.com/UVTy4K0zXm

— Imran Khan (@ImranKhanPTI) February 7, 2018

اس خبرکوبھی پڑھیں: ننھی اسما کے قاتل نے اعتراف جرم کرلیا

عمران خان نے مزید کہا اسما قتل میں پولیس چیف نے پروفیشنل بریفنگ دی، وزیراعلیٰ خیبرپختونخوا کی جانب سے کوئی سیاسی فتح نہیں دکھائی گئی، پنجاب اور سندھ کی سیاسی اور جرائم پیشہ پولیس اور خیبرپختونخوا کی پروفیشنل پولیس میں یہی واضح فرق ہے۔

Nor was there any political gloating by CM. Instead, as is done all over the democratic world, the police chief gave a professional press briefing. This is the difference between KP's professional police force & the highly politicised & criminalised police force of Punjab & Sindh https://t.co/7UpISpIgyQ

— Imran Khan (@ImranKhanPTI) February 7, 2018

واضح رہے کہ گزشتہ ماہ مردان کے نواحی علاقے گوجر گڑھی سے بچی اسما گھر سے باہر کھیلتے ہوئے لاپتہ ہوگئی تھی بعد میں اس کی لاش گھرکے قریب واقع گنے کے کھیتوں سے ملی تھی۔