تیزرفتارٹریکٹر الٹ گیا ڈرائیورسمیت 3مزدور ہلاک

ٹنڈو غلام علی کے قریب ٹریکٹر الٹ جانے کے نتیجے میں ڈرائیور سمیت 3 محنت کش ہلاک ہو گئے۔

تفصیلات کے مطابق گائوں ناصر مغل کے رہائشی مزدور زمینوں پر تھریشر کا کام کرنے کے بعد ٹریکٹر میں سوار ہو کر واپس گائوں جا رہے تھے کہ اچانک کچھ کتے بھاگتے ہوئے سڑک پر آگئے جنہیں بچانے کی کوشش میں ٹریکٹر ڈرائیورکے بے قابو سے باہر ہو کر سڑک کنارے کھائی میں جا گرا۔




جس کے نتیجے میں ڈرائیور ہیرو، شنکر اور وکیو ٹریکٹر کے نیچے دب کر موقع پر ہی ہلاک ہو گئے، واقعہ کے بعد دیہاتیوں نے لاشوں کو گڑھے سے نکال کر مقامی اسپتال پہنچایا جہاں ضروری کارروائی کے بعد لاشیں ورثاکے حوالے کر دی گئیں۔