بھارتی جارحیت کا منہ توڑ جواب دیا جائے گا کورکمانڈرز کانفرنس

بھارت کی جانب سے سیز فائر کی خلاف ورزیاں امن کیلئے نقصان دہ ہیں،کور کمانڈرز، فوٹو: آئی ایس پی آر

---

پاک فوج کی اعلیٰ قیادت نے پاکستان اور خطے میں امن واستحکام یقینی بنانے کے عزم کا اعادہ کرتے ہوئے کہا ہے کہ کسی بھی اشتعال انگیزی اور جارحیت کا موثر جواب دیا جائے گا۔

پاک فوج کے شعبہ تعلقات عامہ آئی ایس پی آر کے مطابق راولپنڈی میں جنرل ہیڈ کوارٹرز (جی ایچ کیو) راولپنڈی میں آرمی چیف جنرل قمر جاوید باجوہ کی زیرصدارت کورکمانڈرز کانفرنس کا انعقاد ہوا۔

کور کمانڈرز کانفرنس میں خطے سے متعلق امریکی پالیسیوں کے تناظر میں سیکیورٹی ماحول کا جائزہ لیا گیا جب کہ سرحدوں کی حفاظت، داخلی و بیرونی سلامتی کے امور اور ایل او سی پر بھارتی اشتعال انگیزیوں اور خطے کی سیکورٹی صورتحال پر بھی تفصیلی غور کیا گیا۔

CCC at GHQ. “National interests shall be kept at premium while cooperating with all other stake holders for regional peace and stability”, Commanders.https://t.co/N96Vc1wCHU pic.twitter.com/XU1NgojwE5

— DG ISPR (@OfficialDGISPR) February 7, 2018

یہ خبر بھی پڑھیں: کور کمانڈرز کانفرنس

آئی ایس پی آر کے مطابق کانفرنس کے شرکاء نے انسداد دہشت گردی کوششوں کے ثمرات کو مستحکم کرنے کا عزم کرتے ہوئے واضح کیا کہ خطے کے امن و استحکام کے لیئے فریقین سے تعاون میں قومی مفاد کر ہر صورت مقدم رکھا جائے گا۔ پاکستان اور خطے میں امن واستحکام یقینی بنایا جائے گا، بھارت کی جانب سے سیز فائر کی خلاف ورزیاں امن کیلئے نقصان دہ ہیں اگر بھارت کی جانب سے کسی بھی جارحیت کا مئوثر طور پر جواب دیا جائے گا۔