جھولان گوسوامی نے ون ڈے کرکٹ میں وکٹوں کی ڈبل سنچری بنالی

35 سالہ جھولان کے کیریئر کا یہ 166واں ون ڈے انٹرنیشنل تھا۔ فوٹو : فائل

---

بھارتی فاسٹ بولر جھولان گوسوامی ون ڈے انٹرنیشنل میں وکٹوں کی ڈبل سنچری مکمل کرنے والی پہلی خاتون کرکٹر بن گئیں۔

جھولان گوسوامی نے ون ڈے انٹرنیشنل میں وکٹوں کی ڈبل سنچری مکمل کرنے کا یہ سنگ میل جنوبی افریقہ کیخلاف سیریز کے دوسرے میچ میں عبورکیا، انھوں نے اس مقابلے میں 7 اوورز میں 29 رنز دیکر1وکٹ حاصل کی۔

حیرت انگیز طور پر مینز کرکٹ میں بھی ون ڈے میں وکٹوں کی ڈبل سنچری سب سے پہلے سابق بھارتی کپتان کپیل دیو نے مکمل کی تھی، 35 سالہ جھولان کے کیریئر کا یہ 166واں ون ڈے انٹرنیشنل تھا، انھوں نے میزبان اوپنر لیورا وولڈارٹ کو پویلین چلتا کیا۔