انڈا گھروں میں عام استعمال ہوتا ہے، زیادہ تر اسے آملیٹ کی شکل میں یا اُبال کر کھایا جاتا ہے اور پکوانوں میں بھی اس کا استعمال کیا جاتا ہے۔

بعض پکوان ایسے ہوتے ہیں جن میں انڈے کی صرف زردی یا صرف سفیدی شامل کیے جانے کی شرط ہوتی ہے۔ انڈے کی سفیدی میں سے زردی الگ کرنا ایک مشکل کام ثابت ہوتا ہے۔

زردی الگ کرنے کی کوشش میں ٹوٹ جاتی ہے اور سفیدی میں شامل ہوجاتی ہے۔ اس کوشش میں بعض دفعہ کئی انڈے ضایع ہوجاتے ہیں۔ چناں چہ زردی کو سفیدی سے علیٰحدہ کرنے کے لیے مہارت درکار ہوتی ہے۔ مگر 'ضرورت ایجاد کی ماں ہے' کے تحت بنائے جانے والے اس آلے نے یہ کام بہت سہل کردیا ہے۔