شاہد آفریدی نے ترنگے کے ساتھ تصاویر بنوا کر بھارتیوں کے دل جیت لیے

شاہد آفریدی نے اپنے ساتھ تصویر بنوانے کے لیے بے تاب بھارتی مداح کو ترنگا کھولنے کو کہا اور پھر تصویر بنوائی

ویب ڈیسک February 10, 2018

شاہد آفریدی اپنے مداحوں سے محبت کرنے کے ساتھ ان کی عزت بھی کرتے ہیں؛ فوٹوٹویٹر

سابق پاکستانی کرکٹر شاہد آفریدی نےبھارتی شائقین کا دل رکھتے ہوئے ترنگے کو عزت دے کر ثابت کردیا کہ وہ ناصرف اچھے کھلاڑی ہیں بلکہ بہترین شخص بھی ہیں۔

ایک طرف پاک بھارت سیاسی محاذ پر کشیدگی کے باعث سرحد پر گولیاں چل رہی ہیں تو دوسری طرف سوئٹزرلینڈ میں کرکٹ کا میلہ جاری ہے جس میں پاکستانی اور بھارتی کھلاڑی ساتھ کھیل رہے ہیں۔ اگرچہ شاہد آفریدی کی ٹیم رائلز نے وریندر سہواگ کی ٹیم ڈائمنڈز کو ٹی ٹوئنٹی میں دو صفر سے شکست دے دی ہے لیکن انہوں نے وہاں ایسا کارنامہ انجام دیا جس کے بعد پورا بھارت آفریدی کا دیوانہ ہوگیا۔

سوئٹزرلینڈ میں شاہد آفریدی نے دوسرے ٹی ٹوئنٹی میچ کے بعد شائقین کے ساتھ سیلفیاں بنوائیں اور آٹوگراف دیئے۔ اس موقع پر شاہد آفریدی نے بھارت کے قومی پرچم (ترنگے) کے ساتھ تصاویر اور وڈیو بنوا کر تمام بھارتیوں کے دل جیت لیے۔

وڈیو میں دیکھا جاسکتا ہے آفریدی کی ایک بھارتی مداح ان کے ساتھ تصویر بنوانے کے لیے اتنی زیادہ پرجوش ہوگئی تھی کہ پرچم کھولنا ہی بھول گئی جس پر شاہد آفریدی نے اس خاتون سے کہا یہ جھنڈا سیدھا کرو جس کے بعد انہوں نے خاتون کے ساتھ تصویر بنوائی۔

اسی موقع پر انہوں نے سبز ہلالی پرچم تھامے اپنے پاکستانی مداح کے ساتھ بھی تصویر بنوائی۔

شاہد آفریدی کے اس عمل نے پورے بھارت کو اپنا دیوانہ بنالیا جس کے بعد بھارتی میڈیا بھی شاہد آفریدی کے گن گانے لگا۔ سوشل میڈیا پر بھی بھارتی صارفین آفریدی کے اس عمل کی خوب تعریفیں کررہے ہیں۔ انورادھا نامی صارف نے شاہد آفریدی کے عمل کو سراہتے ہوئے کہا ''لالہٰ آپ بہترین ہیں''۔

https://twitter.com/AnuRadha9082/status/961994205924007936

منجیت نامی صارف نے لکھا آپ بھارت سے محبت کرتے ہیں یہ جان کر ہم بہت خوش ہیں۔

https://twitter.com/manjeet_dstar/status/961995666707894275

پراچی داس نے شاہد آفریدی سے اپنی بے پناہ محبت کا اظہار کیا۔

https://twitter.com/PrachiNotDesai/status/961992748554272770

پاکستانی صارفین کی جانب سے بھی شاہد آفریدی کو بے حد سراہاجارہا ہے، پرنسس بنی عماد نامی خاتون نے شاہد آفریدی کو لیجنڈ قرار دیتے ہوئے کہا لالہٰ ہم آپ سے بے حد محبت کرتے ہیں، پاکستان کو آپ پر فخر ہے، پاکستان زندہ باد۔

https://twitter.com/ImadPrinces/status/961994866438885377

https://twitter.com/SAfridiOfficial/status/961991746560327680