بھارت کی مذہبی دہشتگردی ہندو یاتریوں کو پاکستان آنے سے روک دیا

بھارت سے 200 ہندو یاتریوں نے 11 فروری کو مذہبی تہوار کے لیے پاکستان آنا تھا، ڈاکٹر منور چند فوٹو:فائل

---

بھارتی حکومت نے مذہبی دہشت گردی کا مظاہرہ کرتے ہوئے 200 ہندو یاتریوں کو پاکستان آنے سے روک دیا۔

لاہور کے کرشنا مندر میں پریس کانفرنس کرتے ہوئے ہندو رہنما ڈاکٹر منور چند نے بھارت کی سخت مذمت کرتے ہوئے کہا کہ نئی دہلی حکومت نے اپنے ہندو یاتریوں کو پاکستان آنے سے روک دیا ہے۔

ڈاکٹرمنورچند نے بتایا کہ بھارت سے 200 ہندو یاتریوں نے 11 فروری کو ایک مذہبی تہوار منانے کے لیے پاکستان آنا تھا لیکن بھارتی حکومت نے انہیں اجازت دینے سے انکار کردیا، بھارتی حکومت ہندوؤں کو ڈرا دھمکا کر پاکستان آنے سے روک رہی ہے۔

یہ بھی پڑھیں: پاکستان زندہ باد ، 104 یاتری بھارت روانہ

ڈاکٹر منور چند نے کہا کہ ہندو یاتریوں کو پاکستان آنے سے روکنا 1974 کے باہمی معاہدے کی خلاف ورزی ہے اور ہندو برادری بھارت کی اس مذہبی دہشت گردی کو مسترد کرتی ہے، 1982 سے ہندویاتری پاکستان آرہے ہیں لیکن کسی ایک یاتری کو بھی آج تک کوئی نقصان نہیں پہنچا، پاکستان میں بھارتی ہندو اور سکھ یاتریوں کی بہترین خدمت اور حفاظت کی جاتی ہے۔