پاک نیوی کا بیڑہ مشترکہ مشقوں کے لیے سعودی عرب پہنچ گیا

یہ بحری مشقیں پاکستان اور سعودی عرب کے مابین ہونے والی نسیم البحر مہم کا حصہ ہیں

ویب ڈیسک February 10, 2018

پاکستانی بحری بیڑے کی سربراہی کموڈور عدنان احمد کر رہے ہیں،فوٹو:فائل

پاکستان نیوی کا 5 جہازوں پر مشتمل بحری بیڑہ نسیم البحر کی مشترکہ مشقوں میں شرکت کے لیے سعودی عرب پہنچ گیا۔

ترجمان پاک بحریہ کے مطابق سعودی عرب میں ہونے والی مشقوں میں پاک بحریہ کے ہیلی کاپٹرز اور ایئر کرافٹ بھی حصہ لے رہے ہیں۔ یہ بحری مشقیں پاکستان اور سعودی عرب کے مابین ہونے والی نسیم البحر سیریز کی گیارہویں اور سعودی عرب میں منعقد ہونے والی اس سیریز کی پہلی مشترکہ مشقیں ہیں۔

یہ خبر بھی پڑھیں: پاک بحریہ سعودی مشقیں شروع

سعودی عرب کی بندرگاہ الجبیل پہنچنے پر پاک بحریہ کے افسران اور جوانوں کا پرتباک استقبال کیا گیا۔ ترجمان نیوی کے مطابق سعودی عرب پہنچنے والے پاکستانی بحری بیڑے کی سربراہی کموڈور عدنان احمد کر رہے ہیں۔

پاک بحریہ کے جہازوں کے افسران اور عملے کے اعزاز میں سعودی ایسٹرن فلیٹ کمانڈر کی جانب سے عشائیہ بھی دیا گیا جس میں سعودی نیول فورس کے کئی سینئر افسران نے شرکت کی۔