آسٹریلیا میں اسکالرشپ مکمل کرنے والے 106 پاکستانیوں کی واپسی

تعلیم دونوں ملکوں کے درمیان اہم رابطہ ہے اورمیں ان پاکستانیوں کی حوصلہ افزائی کرتی ہوں، آسٹریلوی ہائی کمشنر

نوید معراج February 11, 2018

تعلیم دونوں ملکوں کے درمیان اہم رابطہ ہے اورمیں ان پاکستانیوں کی حوصلہ افزائی کرتی ہوں، آسٹریلوی ہائی کمشنر۔ فوٹو : فائل

آسٹریلیا میں اسکالرشپ کامیابی سے مکمل کرنے والے 106 پاکستانی اسکالرز ملک واپس لوٹ آئے۔

پاکستان میں آسٹریلیوی ہائی کمشنر مارگریٹ ایڈمسن نے اسکالرشپ کے عالمی پروگرام آسٹریلیا ایواڈز کے تحت آسٹریلیا میں اسکالرشپ مکمل کرکے حال ہی میں ملک واپس لوٹنے والے 106 پاکستانی اسکالرز کی کامیابیوں کو سراہا ہے۔

آسٹریلوی حکومت کی فنڈنگ سے آسٹریلین ایواڈز پروگرام ماسٹرز اسکالرشپ اور پیشہ وارانہ استعداد بڑھانے کے مواقع فراہم کرتاہے تاکہ پیشہ وارانہ افراد کو ایسی مہارتوں اور علم سے آراستہ کیاجائے جو کامیاب، خصوصی اورپائیدار اقتصادی اورسماجی ترقی کیلیے درکار ہے۔

آسٹریلوی ہائی کمشنر نے کہا کہ تعلیم دونوں ملکوں کے درمیان اہم رابطہ ہے اورمیں ان پاکستانیوں کی حوصلہ افزائی کرتی ہوں جو پیشہ وارانہ ترقی کیلیے آسٹریلیا کو اپناپہلا انتخاب بناتے ہیں۔