ڈرامہ انڈسٹری کے لیے بے مثال کام کیا گیا ندیم

جونئیرز کو ہمیشہ سپورٹ کیا، نوجوان نسل ہی اس ملک کا سرمایہ ہے، اداکار فوٹو: فائل

---

MULTAN: اداکار ندیم نے کہا ہے کہ کراچی پاکستان فلم انڈسٹری کی بحالی میں اہم کرداراداکرسکتاہے۔

ان خیالات کا اظہار انھوں نے ایکسپریس سے گفتگو کے دوران کیا ۔انکا کہنا تھا کہ پاکستان ڈرامہ انڈسٹری کے لیے جتنا کام کراچی شہر سے کیا گیا ہے اس کی مثال نہیں ملتی ایسے ہی کام اگر فلم کے لیے کیے جائیں تووہ وقت دور نہیں کہ ہم دوبارہ فلم کوبحال کرسکیں گے ایک سوال کے جواب میں اداکار ندیم کا کہنا تھا کہ ہم نے اپنے جونئیرز کو ہمیشہ سپورٹ کیا ہے اورآئندہ بھی کرینگے۔



نوجوان نسل ہی اس ملک کا سرمایہ ہے اورآئندہ باگ دوڑ ملک کی انھوں نے ہی سنبھالنی ہے نوجوانوں سے فقط اتناہی کہونگا کہ سب سے پہلے اپنے تعلیمی کیئرئرپردھیان دیں تاکہ مستقبل میں ہمیں وہ مشکلات نہ ہوں جوماضی میں رہی ہیں تعلیم انسان میں بہت سی تبدیلیاں رونماکرتی ہے انھوں نے مزید کہا کہ ہماری ڈرامہ انڈسٹری بہت اچھا کام کررہی ہے اورمیوزک میں بھی پاکستان میں معیاری کام کیاجارہاہے اب فلم کوملکربحال کرنا ہوگا۔