منی لانڈرنگ کیس میں ایگزیکٹ کے چیف ایگزیکٹو شعیب شیخ و دیگر ملزمان کو نوٹس جاری

عدالت نے ایف آئی اے کی اپیل پر نوٹس جاری کردیے۔

کورٹ رپورٹر February 13, 2018

عدالت نے ایف آئی اے کی اپیل پر نوٹس جاری کردیے۔ فوٹو: فائل

SUKKUR: سندھ ہائی کورٹ نے منی لانڈرنگ، جعلی ڈگری اور جعل سازی اور دیگر فراڈ سے متعلق ایگزیکٹ کمپنی اور بول ٹی وی کے سی ای او ملزم شعیب شیخ اور دیگر کے خلاف ایف آئی اے کی اپیل پر نوٹس جاری کر دیے۔

گزشتہ روز 2 رکنی بینچ کے روبرو منی لانڈرنگ، جعلی ڈگری اور جعل سازی اور دیگر فراڈ سے متعلق ایگزیکٹ کمپنی اور بول ٹی وی کے سی ای او شعیب شیخ اور دیگر کے خلاف ایف آئی اے کی اپیل کی سماعت ہوئی۔ ایف آئی اے نے اپیل میں موقف اختیار کیاکہ ملزمان کو ماتحت عدالت نے منی لانڈرنگ کے الزام میں ٹھوس شواہد نظر انداز کرکے بری کیا جب کہ ملزمان کے خلاف ٹھوس شواہد موجود ہیں۔ بول ٹی وی کے سی ای او شعیب شیخ اور دیگر جعلی ڈگری اسکینڈل میں ضمانت پر ہیں۔

عدالت نے ایف آئی اے کی اپیل پر نوٹس جاری کردیے۔ نوٹس ایگزیکٹ کمپنی کے سی ای او، ایف آئی اے اور دیگر کو جاری کیے گئے۔ عدالت نے ماتحت عدالت سے کیس کے متعلق ریکارڈ بھی طلب کرتے ہوئے سماعت 15 فروری تک ملتوی کردی۔