گوگل میپ سے نوگوایریاز کی نشاندہی ہوجائیگی سپریم کورٹ

تجاوزات اور سرکاری املاک پر قبضے کے بارے میں شہری حکومت سے تفصیلی رپورٹ طلب فوٹو فائل

---

سپریم کورٹ نے کراچی میں تجاوزات اور سرکاری املاک پر قبضے کے بارے میں شہری حکومت سے تفصیلی رپورٹ طلب کی ہے اور وزارت انفارمیشن ٹیکنالوجی کے ڈائریکٹر ذوالفقاراحمدکو نقشوں کی مدد سے تجاوزات کی نشاندہی کی ہدایت کی ہے۔ درخواست گزار سابق سٹی ناظم نعمت اللہ خان تجاوزات کے خاتمے کیلیے کمیشن تشکیل دینے کی استدعا کی۔

تاہم چیف جسٹس نے کہا الیکشن سر پر ہے اس موقع پرکمیشن کی تشکیل شاید سود مند نہ ہو تاہم گوگل ارتھ کے ذریعے تجاوزات کی نشاندہی کرکے چیمبر میں اس کا جائزہ لیا جائے گا اور پھر مناسب حکم جاری کر دیا جائے گا۔ چیف جسٹس نے کہا نقشہ سامنے آنے کے بعد شہر میں نوگو ایریازکی بھی نشاندہی ہو جائے گی۔



سٹی گورنمنٹ کے وکیل فروغ نسیم نے کمیشن بنانے کی تائیدکی اورکہا کہ جسٹس (ر) رانا بھگوان داس یا جسٹس( ر) رحمت حسین جعفری کی سربراہی میںکمیشن بنا دیا جائے۔ لینڈکمشنرکراچی نے عدالت کو بتایا کہ شہرکے60فیصد علاقوں میںکچی آبادیاں قائم ہیں اور لوگوںکا قبضہ ہے ۔این این آئی کے مطابق کراچی میں نوگو ایریاز سے متعلق کیس کی آج سماعت کیلیے چیف جسٹس کی سربراہی میں5رکنی خصوصی بینچ تشکیل دے دیاگیا ہے۔