پاک فوج کی ایل او سی پر کارروائی 5 بھارتی فوجی ہلاک

پاک فوج نے شہری آبادی پر گولہ باری کرنے والی چوکی کو جوابی کارروائی میں تباہ کردیا ہے، فوٹو: فائل

---

پاک فوج نے ایل او سی پر بلااشتعال فائرنگ کا جواب دیتے ہوئے بھارتی چوکی تباہ کردی نتیجے میں 5 بھارتی فوجی مارے گئے۔

ڈی جی آئی ایس پی آر میجر جنرل آصف غفور نے اپنے ٹوئٹ میں بتایا ہے کہ کنٹرول لائن تتہ پانی سیکٹر میں واقع بھارتی فوجیوں کی چوکی سے آزاد کشمیر میں شہری آبادی پر گولہ باری کی جا رہی تھی، پاک فوج نے بھارتی اشتعال انگیزی کا جواب دیتے ہوئے بھارتی فوجی چوکی کو تباہ کردیا جس کے نتیجے میں 5 بھارتی فوجی مارے گئے ہیں جب کہ جوابی کارروائی میں کئی بھارتی فوجی زخمی بھی ہوئے ہیں۔

Indian Army post on LOC targeting innocent citizens destroyed by Pak Army troops in Tatta Pani (Hot Spring) sector. Five Indian soldiers killed, many injured. Indian terrorism against innocent citizens shall be responded befittingly. pic.twitter.com/MHWv4Xc97n

- Maj Gen Asif Ghafoor (@OfficialDGISPR) February 15, 2018

میجر جنرل آصف غفور نے کہا ہے کہ معصوم شہریوں کے خلاف بھارتی دہشت گردی کا بھرپور جواب دیا جائے گا۔

دریں اثنا پاک فوج نے بھارتی چوکی پر جوابی گولہ باری کی ویڈیو بھی جاری کی ہے جس میں واضح طور پر چوکی کو تباہ ہوتے ہوئے دیکھا جاسکتا ہے۔

یہ پڑھیں: ایل او سی؛ بھارتی فوج کی اسکول وین پر فائرنگ سے ڈرائیور شہید

واضح رہے کہ بھارتی فوج نے آج پھر لائن آف کنٹرول پر سیز فائر کی خلاف ورزی کی ہے جس میں ایک سویلین گاڑی پر فائرنگ کی گئی نتیجے میں وین کا ڈرائیور شہید ہوگیا۔