وائٹل فائیوکرکٹخیبر گرین کی کامیابیمعین خان ٹورنامنٹ میں یو بی ایل فتحیاب

KARACHI:
دوسرے وائٹل فائیو رمضان کرکٹ ٹورنامنٹ میں خیبر گرین نے ایڈوانس کو 8 وکٹ سے ہراکر سیمی فائنل تک رسائی حاصل کرلی، ناکام ٹیم نے 9 وکٹ پر 151 رنز بنائے، فاتح سائیڈ نے ہدف 2 وکٹ پر حاصل کرلیا۔


سمیع آفریدی نے 92 اور سعید آفریدی نے ناقابل شکست 50 رنز بنائے۔ معین خان اکیڈمی کارپوریٹ ٹوئنٹی 20 کپ میں یو بی ایل نے حبیب بینک کو 11 رنز سے قابو پاتے ہوئے سیمی فائنل میں جگہ بنالی،فواد خان نے 3 کھلاڑیوں کو آئوٹ کیا۔

ڈاکٹر ایم اے شاہ نائٹ ٹرافی میں اے او کلینک کی ٹیم کشمور کلب کو 17 رنز سے شکست دے کر کوارٹر فائنل میں پہنچ گئی، فاتح کپتان ڈاکٹر جنید علی شاہ نے 44 اور عقیل انجم نے 42 رنز بنائے۔ 27 ویں کراچی جیمخانہ ٹرافی میں ٹپال کلب نے سائوتھ کو 8 وکٹ سے ہراکر کوارٹر فائنل میں رسائی پا لی۔