راجن پورمیں بس اورٹرالرمیں تصادم سے 4 افراد جاں بحق

زخمی افراد کو طبی امداد کے لیے اسپتال منتقل کردیا گیا ہے، پولیس: فوٹو: فائل

---

انڈس ہائی وے جام پورکے قریب بس اورٹرالرمیں تصادم سے 4 افراد جاں بحق ہوگئے۔

ایکسپریس نیوزکے مطابق راجن پورمیں انڈس ہائی وے جام پورکے قریب مسافربس اورٹرالرمیں تیزرفتاری کے باعث تصادم ہوگیا، جس کے نتیجے میں 4 افراد موقع پرجاں بحق جب کہ ایک خاتون اورایک بچے سمیت 3 افراد شدید زخمی ہوگئے جنہیں اسپتال منتقل کردیا گیا ہے۔

پولیس کا کہنا ہے کہ لاشوں کوشناخت اورکاغذی کارروائی کے بعد ورثا کے حوالے کردیا جائے گا۔