پوپ گلوکارعاطف اسلم شادی کے بندھن میں بندھ گئے

عاطف اپنے ولیمے کی دو تقریبوں کا انعقاد کریں گے، ہفتے کو ہونے والے ولیمے میں صرف اہل خانہ شرکت کریں گے، ذرائع۔ فوٹو: فیس بک

---

پاپ گلوکار عاطف اسلم شادی کے بندھن میں بندھ گئے جب کہ ولیمے کی تقریب آج ہوگی۔

گلوکار عاطف اسلم کی بارات کی تقریب لاہور کے مقامی ہوٹل میں گزشتہ شب منعقد ہوئی جس میں صرف قریبی دوستوں ، اہل خانہ نے شرکت کی، تقریب میں عاطف اسلم نے آف وائٹ کلر کی شیروانی زیب تن کی تھی جبکہ ان کی بیوی سارہ بھروانہ نے سرخ رنگ کا لہنگا پہنا تھا۔

ذرائع کا کہنا ہے کہ عاطف اپنے ولیمے کی دو تقریبوں کا انعقاد کریں گے، ہفتے کو ہونے والے ولیمے میں صرف اہل خانہ شرکت کریں گے جبکہ اتوار کی تقریب میں میوزک انڈسٹری کے افراد شرکت کریں گے اور اس تقریب میں عاطف اپنی اہلیہ کے ساتھ میڈیا کے سامنے آئیں گے۔