مصور نے عہد تمیمی کو ہالی وڈ فلمز اور کامک کردار ونڈر وومن کی مناسبت سے حقیقی ونڈر وومن قرار دیا ہے۔ فوٹو:انٹرنیٹ
آئرش مصور جمِ فیٹز پیٹرک نے اسرائیلی جیل میں قید احد تمیمی سے اظہار یکجہتی کے طور پر ان کی تصویر بناکر سوشل میڈیا پر اپ لوڈ کی ہے جس میں فلسطینی مزاحمت کار کو ہالی ووڈ کی معروف فلم اور کامک کریکٹر ونڈر وومین کی مناسبت سے حقیقی 'ونڈر وومین' قرار دیا ہے۔
مصور نے تصویر کو ابلاغ کے لیے کاپی رائٹ فری کیا ہے تاکہ فلسطینی لڑکی سے ہمدردی رکھنے والے نئی تصویر کو آن لائن پھیلادیں۔ آئرش مصور کی جانب سے احد تمیمی کی تصویر بنانے کا مقصد فلسطینیوں پر جاری اسرائیلی ظلم و ستم کے خلاف آواز اٹھانا اور دنیا کو اس سے آگاہ کرنا ہے۔
فلسطینی باشندوں نے جمِ فیٹز پیٹرک کی اس نئی تصویر پر مبنی بڑے بڑے بل بورڈز مقبوضہ بیت المقدس کی سڑکوں پر آویزاں کردیے ہیں۔
اسی ضمن میں امریکی مزاحیہ اداکارہ سارہ لیورمین نے بھی احد تمیمی کے حق میں آوازاٹھاتے ہوئے یہودیوں کو اسرائیلی حکومت کے خلاف اٹھ کھڑے ہونے کی اپیل کی ہے۔
Jews have to stand up EVEN when — ESPECIALLY when — the wrongdoing is BY Jews/the Israeli government. https://t.co/vIKDxgLm41
— Sarah Silverman (@SarahKSilverman) February 16, 2018
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔