SEOUL: فیڈرل بورڈ آف ریونیو نے پاک ایران سرحد پر کسٹمز ہائوس قائم کرنے کے لیے وفاقی حکومت سے 10 کروڑ روپے کا بجٹ مانگا ہے جب کہ یہ کسٹمز ہائوس گوادر کے قریب گبد پوائنٹ پر قائم کیا جائے گا۔

ایف بی آر نے یکم جولائی سے شروع ہونے والے نئے مالی سال 2018-19 کے بجٹ میں اس منصوبے کے لیے 10 کروڑ روپے مختص کرنے کی تجویز دی ہے جبکہ اس منصوبے پر مجموعی طور پر 46 کروڑ50 لاکھ روپے لاگت آئے گی۔

حکومتی ذرائع کا کہنا ہے کہ پاک ایران آزاد تجارتی معاہدے اور آنے والے سالوں کے دوران تجارت میں ممکنہ اضافے کے پیش نظر دونوں ممالک کے سرحدی پوائنٹ پر کسٹمز ہائوس کا قیام عمل میں لانے کا فیصلہ کیا گیا ہے۔