خود پر اعتماد ہے نئی فلم میں منفرد کردار نبھاؤں گی دیا مرزا

بالی وڈ میں ٹیلنٹ کی حقیقی معنوں میں قدر کی جاتی ہے، نئی فلم میں پرفارمنس یاد گار ہوگی،31 سالہ بالی وڈ اداکارہ و ماڈل کی گفتگو۔ فوٹو: فائل

---

بالی وڈ اداکارہ و ماڈل دیا مرزانئی فلم میں ارشد وارثی کے ساتھ جلوہ گرہونگی۔

بالی وڈ اداکارہ کی نئی فلم مارچ میں ریلیز ہونی تھی جس کی ایک ماہ کی تاخیر کے بعدنمائش کا پلان بنایا گیا ہے ۔انھوں نے کہا کہ نئی فلم میں منفرد کردار میں جلوہ گر ہورہی ہوں ۔ اداکارہ دیا مرزا کا کہنا ہے کہ نئی فلموں کی شیڈول شوٹنگ میں حصہ لے رہی ہوں، اپنے کرداروں پر خوش ہوں ،مختلف کردار ملنے پر اچھا لگتا ہے ۔بالی وڈ میں بہت عزت ملی ہے۔اپنے کام کو مزید بہتر کرنے کے لیے کوشاں رہوں گی ۔اداکارہ نے بتایا کہ نئی فلم ''ہنگامے پہ ہنگامہ ''ریلیز کے لیے تیار ہے۔

اداکارہ کا کہنا ہے کہ 16 سال کی عمر میں اداکاری شروع کی اس دوران میں کالج بھی جاتی رہی اور کام بھی کرتی رہی۔ قبل ازیں اداکارہ نے فلم ''قسمت کی کمپنی ''میں اہم کردار نبھایا ۔اداکارہ کا کہنا ہے کہ فلم کی کہانی بہت دلچسپ ہے اور اس میں اپنا کردار خوبی سے نبھایا ہے۔ اداکارہ دیا مرزا نے کہا کہ نئی فلم کے کردار سے مطمئن ہوں اور یہ فلم باکس آفس پر کامیابی کے ریکارڈ قائم کرے گی ۔انھوں نے کہا ہے کہ کسی بھی مرحلے پر کنفیوژن کا شکار نہیں ہوئی ،اپنی پہلی فلم میں ہی بڑے اعتماد سے کام کرکے اپنی صلاحیتوں کا لوہا منوایا۔

انھوں نے کہا کہ شروع میں کچھ مختصر کردار ملے اور میری پرفارمنس کو دیکھتے ہوئے ان کرداروں کو طویل کرنے کے لیے اسکرپٹ میں تبدیلی کی گئی ۔اداکارہ نے بتایا کہ بالی وڈ میں ٹیلنٹ کی حقیقی معنوں میں قدر کی جاتی ہے۔ اداکارہ کا کہنا ہے کہ آنیوالی فلموں میں اہم کردار نبھارہی ہوں۔ رواں سال کے دوران اپنی نئی فلموں میں مصروف ہوں اوران میں اپنا کام بھرپور توجہ کے ساتھ کررہی ہوں۔ بالی وڈ میں نئے چہرے بھی آرہے ہیں اور انہیں آگے بڑھنے کے تمام مواقع میسرآتے ہیں۔ 31 سالہ اداکارہ کا کہنا ہے کہ اپنے کردار کو یادگار بنانے کی کوشش کروں گی۔ بالی وڈ ہدایت کار کبیر کوشک کا کہنا ہے کہ دیا مرزا کی نئی فلم میں پرفارمنس یاد گار ہوگی۔



اداکارہ نے پہلے بھی اپنے کرداروں کو سلیقے سے نبھانے کی کوشش کی ہے اور آئندہ بھی ان سے اچھے کام کی توقعات وابستہ کی جاسکتی ہیں ۔انھوں نے کہا کہ فلم میں منیشا لامبا بھی ہیں مگر دیا مرزا کو لیڈنگ لیڈی رول کے لیے کاسٹ کیا گیا۔انھوں نے کہا کہ بالی وڈ میں ہر فنکار اپنا ایک منفرد انداز اپنانے کی کوشش کرتا ہے اور جو محنت و توجہ کے ساتھ کام کرتا ہے وہی کامیابی کی سیڑھی چڑھ جاتا ہے ۔فلم کی کہانی بھی بہت اہمیت رکھتی ہے جس بھی کردار کو سوچ سمجھ کر اس کی روح کے ساتھ کرنے کی کوشش کی جائے وہ مقبول ہوجائے گا۔ اداکار معاشرے کے مختلف کرداروں کا حصہ ہوتا ہے اور ان حالات و واقعات سے ہی سیکھتا ہے۔

واضح رہے کہ 1981 کو ریاست آندھر اپردیش کے ضلع حیدرآباد میں پیدا ہوئیں ۔دیا کے والد جرمن ڈیزائنرہیں جب کہ ماں دیپا بنگالی ہیں۔اداکارہ کی پہلی فلم ''رہنا ہے تیرے دل میں''2001 میں ریلیز ہوئی۔اس کے بعد فلم ''دل میں''میں پرفارم کیا۔ پھر ''دیوانہ پن ''میں کرن چوہدری کا کردار نبھایا۔ 2002 میں فلم ''تم کو نہ بھول پائیںگے ''میں مسکان کے روپ میں جلوہ گرہوئیں۔

2003 میں فلم ''تہذیب ''میں جلوہ گرہوئیں ۔فلم ''دم'' بھی اسی سال ریلیز ہوئی ۔2004 میں فلم ''اسٹاپ''،''تم سا نہیں دیکھا''،''کیوں ہوگیا ناں''،''نام گم جائے گا''میں پرفارمنس دی جب کہ فلم ''مائی برادر نکھل ''میں مختصر کردار نبھایا ۔2005 میں فلم ''بلیک میل'' ، ''پرینیتا''،''دس''،''کوئی میرے دل میں ہے'' ، ''فائٹ کلب''،''پھر ہیرا پھیری ''میں اپنی صلاحیتوں کا لوہا منوایا۔ 2006میں فلم ''الگ''،''لگے رہو منا بھائی ''،''پریتکشا''،''ہنی مون''،''شوٹ آئوٹ لکھنڈوالہ '' اور فلم ''کیش '' میں جلوے دکھائے۔ 2007 میں ''ہائی بے بی ''،''اوم شانتی اوم ''، ''دس کہانیاں''کریزی فور''میں نظر آئیں۔ 2008 کے دوران فلم ''کہو نہ پیار ہے''میں عمدہ پرفارم کیا۔

اسی دوران فلم ''کسان''،''جے ویرو''،''ایسڈ فیکٹری ''2009 میں فلم ''فروٹ اینڈ نٹ''،''قربان ''،''لک بائی چانس ''میں اداکاری کے جوہر دکھائے۔ 2010 میں دیا مرزا نے فلم ''ہم تم اور گھوسٹ ''میں گہنا کا کردار اداکیا۔ 2011 میں فلم ''لو بریک اپس زندگی ''اور ''علی بانگ''میں کردار نبھایا ۔2012 میں پہلی بنگالی فلم ''پانچ ادھے''کی اور اسے اپنی بنگالی ماں دیپا کے نام کردیا۔ اداکارہ کی نئی فلم ریلیز کے لیے تیار ہے اس فلم میں دیا مرزا نے زندگی کا انتہائی منفرد کردار نبھایا ہے۔ اداکارہ کا کہنا ہے کہ اس فلم کے کردار کو یادگار بنادوں گی۔بالی وڈ نقادوں کا کہنا ہے کہ تاخیر کا شکار فلم کی ریلیز کا انتظار ہے اور اس میں دیامرزا کا کردارانکے کیرئیر کے لیے بھی اہم موڑ ثابت ہوگا۔