نقیب اللہ قتل کیس میں پولیس اہلکاروں سمیت مزید 6 افراد گرفتار
گرفتار ملزمان نے ملوث اہلکاروں کو کراچی سے باہر فرار ہونے میں مدد فراہم کی تھی، پولیس حکام
نقیب اللہ قتل کیس میں اب تک 10 ملزمان کو گرفتار کیا جاچکا ہے فوٹو : فائل
نقیب اللہ قتل کیس میں پولیس اہلکاروں سمیت مزید چھ افراد کو گرفتار کرلیا گیا ہے۔
تفصیلات کے مطابق سابق ایس ایس پی ملیر راؤ انوار کے خلاف درج نقیب اللہ کے قتل کے مقدمے میں مزید اہم پیش رفت ہوئی ہے، سی ٹی ڈی حکام نے بتایا کہ گزشتہ روز دو پولیس اہلکاروں جمیل عباسی اور اورنگزیب سمیت 6 افراد کو گرفتار کرلیا گیا ہے جنھیں جلد عدالتوں میں پیش کیا جائے گا، حکام نے بتایا کہ مذکورہ چھ افراد نے سابق ایس ایچ او شاہ لطیف ٹائون امان اللہ مروت ، سابق ایس ایچ او سہراب گوٹھ شعیب شیخ ، سابق چوکی انچارج انار خان سمیت دیگر کئی افراد کو کراچی سے باہر فرار ہونے میں مدد فراہم کی تھی ، اس بات کی تصدیق مذکورہ چھ ملزمان کے موبائل فون ڈیٹا کے ذریعے بھی کی گئی ہے۔
حکام کا کہنا ہے کہ دو پولیس اہلکاروں اورنگزیب اور جمیل عباسی نے شاہ لطیف ٹاؤن میں ہونے والے پولیس مقابلے کے بعد سرکاری اسلحہ واپس جمع کرایا تھا جبکہ بکتر بند گاڑی کی بھی واپسی کی انٹری کرائی تھی، اس کے علاوہ دیگر کئی الزامات کے تحت بھی مذکورہ ملزمان سے تفتیش کا آغاز کردیا گیا ہے جس میں اہم پیشرفت متوقع ہے، ملک کے دیگر علاقوں میں بھی چھاپہ مار کارروائیاں جاری ہیں اور مزید گرفتاریاں بھی عمل میں لائی جاسکتی ہیں۔
اس سے قبل نقیب اللہ قتل کیس میں اب تک 10 ملزمان کو گرفتار کیا جاچکا ہے جن میں پولیس اہلکاروں کے علاوہ سابق ڈی ایس پی ملیر سٹی قمر احمد بھی شامل ہیں ، قمر احمد کو ریمانڈ پر پولیس کے حوالے کردیا گیا ہے۔
تفصیلات کے مطابق سابق ایس ایس پی ملیر راؤ انوار کے خلاف درج نقیب اللہ کے قتل کے مقدمے میں مزید اہم پیش رفت ہوئی ہے، سی ٹی ڈی حکام نے بتایا کہ گزشتہ روز دو پولیس اہلکاروں جمیل عباسی اور اورنگزیب سمیت 6 افراد کو گرفتار کرلیا گیا ہے جنھیں جلد عدالتوں میں پیش کیا جائے گا، حکام نے بتایا کہ مذکورہ چھ افراد نے سابق ایس ایچ او شاہ لطیف ٹائون امان اللہ مروت ، سابق ایس ایچ او سہراب گوٹھ شعیب شیخ ، سابق چوکی انچارج انار خان سمیت دیگر کئی افراد کو کراچی سے باہر فرار ہونے میں مدد فراہم کی تھی ، اس بات کی تصدیق مذکورہ چھ ملزمان کے موبائل فون ڈیٹا کے ذریعے بھی کی گئی ہے۔
حکام کا کہنا ہے کہ دو پولیس اہلکاروں اورنگزیب اور جمیل عباسی نے شاہ لطیف ٹاؤن میں ہونے والے پولیس مقابلے کے بعد سرکاری اسلحہ واپس جمع کرایا تھا جبکہ بکتر بند گاڑی کی بھی واپسی کی انٹری کرائی تھی، اس کے علاوہ دیگر کئی الزامات کے تحت بھی مذکورہ ملزمان سے تفتیش کا آغاز کردیا گیا ہے جس میں اہم پیشرفت متوقع ہے، ملک کے دیگر علاقوں میں بھی چھاپہ مار کارروائیاں جاری ہیں اور مزید گرفتاریاں بھی عمل میں لائی جاسکتی ہیں۔
اس سے قبل نقیب اللہ قتل کیس میں اب تک 10 ملزمان کو گرفتار کیا جاچکا ہے جن میں پولیس اہلکاروں کے علاوہ سابق ڈی ایس پی ملیر سٹی قمر احمد بھی شامل ہیں ، قمر احمد کو ریمانڈ پر پولیس کے حوالے کردیا گیا ہے۔