ایم کیوایم کے نظم وضبط کومثالی سمجھاجاتاہےالطاف حسین

8اگست1986کوایم کیوایم نے اپنی سیاسی جدوجہدکاآغازنشترپارک کے جلسے سے کیاتھا۔ فوٹو فائل

---

ایم کیوایم کے قائدالطاف حسین نے ایم کیوایم کے تمام ذمے داران،کارکنان اور ہمدردوں کوایم کیوایم کی سیاسی جدوجہدکے باقاعدہ آغازکی 26ویں سالگرہ کے موقع پردلی مبارکبادپیش کی ہے۔

بد ھ کوایم کیوایم رابطہ کمیٹی لندن اورپاکستان کے ارکان سے گفتگوکرتے ہوئے الطاف حسین نے کہاکہ8 اگست 1986 کونشتر پارک کراچی میں ایم کیوایم نے اپنے پہلے جلسہ عام کے ذریعے بھرپور عوامی طاقت کامظاہر ہ کرکے اپنی سیاسی جدوجہدکاباقاعدہ آغازکیاتھا۔

اس دن طوفانی بارش کے باوجودایم کیوایم کے کارکنان وعوام نے نظم وضبط کامثالی مظاہرہ کرکے ثابت کردیاتھاکہ ایم کیوایم ایک منظم جماعت ہے اورآج بھی ایم کیوایم کانظم وضبط مثالی سمجھاجاتاہے۔اس موقع پررابطہ کمیٹی کے ارکان نے بھی الطاف حسین کومبارکبادپیش کی اوران کی درازی عمراورصحت وعافیت کیلیے دعاکی۔