خواتین کو بااختیاربنانے میں خیبرپختونخوا دیگر صوبوں سے کہیں آگے ہے عمران خان

ملکی تاریخ میں پہلی مرتبہ جنگلات کی رائلٹی براہ راست خواتین کو دی جانے لگی، عمران خان

ویب ڈیسک February 23, 2018

خواتین کو بااختیار بنانے میں پختونخوا کو دیگر صوبوں پر سبقت حاصل ہے، عمران خان؛ فوٹوفائل

پاکستان تحریک انصاف کے چیئرمین عمران خان کا کہنا ہے کہ ملکی تاریخ میں پہلی بار جنگلات کی رائلٹی براہ راست خواتین کو دی جارہی ہے۔

خیبر پختونخواہ حکومت نے جنگلات کی رائلٹی میں پہلی بار خواتین کو بھی حصے دار بنایا ہے اور اس کا آغاز ضلع چترال سے کیا گیا ہے۔ اس حوالے سے چیئرمین پی ٹی آئی عمران خان نے خواتین کو بااختیار بنانے کے اقدامات پر پختونخوا حکومت کی تعریف کرتے ہوئے ٹویٹ کیا ہے کہ ''خواتین کو بااختیار بنانے میں خیبر پختونخوا دیگر صوبوں سے کہیں آگے ہے، ملکی تاریخ میں پہلی مرتبہ جنگلات کی رائلٹی براہ راست خواتین کو دی جارہی ہےاور چترال سے اس کا آغاز کیاگیا ہے۔'' یہ رائلٹی عنقریب مالاکنڈ کو دی جائے گی۔

Women empowerment in KP moves another step forward. Royalty from sustainable forestry to be distributed directly to rural women (for the first time ever) in Chitral - will be followed soon by Malakand https://t.co/qalJ7Hs1Ou
— Imran Khan (@ImranKhanPTI) February 23, 2018

واضح رہے کہ چترال کے سب ڈویژن میں صرف مردوں کو جنگلات کی رائلٹی میں حصہ دیاجاتا تھا لیکن اب خواتین کو بھی اس میں شامل کیا گیا ہے۔

اس خبرکوبھی پڑھیں: بلین ٹری منصوبے پر تنقید

اس سلسلے میں ضلع چترال میں انتظامیہ، محکمہ جنگلات اور مقامی حکومتوں کی خواتین کونسلرز کے درمیان اجلاس بھی منعقد ہوچکے ہیں جن میں خواتین کو رائلٹی میں حصہ دار بنانے کیلئے اقدامات پر غور کیاگیا تھا۔