پاکستان کو گرے لسٹ میں شامل کرنے سے متعلق باضابطہ اعلان نہیں ہواوزیر داخلہ

سرکاری بیان تک کسی بھی قسم کی قیاس آرائیوں میں نہیں پڑنا چاہیے، احسن اقبال

ویب ڈیسک February 23, 2018

سرکاری بیان تک کسی بھی قسم کی قیاس آرائیوں میں نہیں پڑنا چاہیے، احسن اقبال۔ فوٹو: فائل

وزیر داخلہ احسن اقبال کا کہنا ہے کہ ایف اے ٹی ایف نے پاکستان کو گرے لسٹ میں شامل کیے جانے کے حوالے سے کوئی باضابطہ اعلان نہیں کیا۔

سماجی رابطے کی سائٹ ٹوئٹر پر وزیر داخلہ احسن اقبال کا کہنا تھا کہ فنانشل ایکشن ٹاسک فورس (ایف اے ٹی ایف) نے پاکستان کو گرے لسٹ میں شامل کیے جانے کے حوالے سے کوئی باضابطہ اعلان نہیں کیا لہذا سرکاری بیان تک کسی بھی قسم کی قیاس آرائیوں میں نہیں پڑنا چاہیے۔

No official intimation of #FATF decision yet. We should not speculate till official statement is released.
— Ahsan Iqbal (@betterpakistan) February 23, 2018

احسن اقبال کا کہنا تھا کہ ترکی کا شکریہ ادا کرنا چاہتا ہوں جس نے ثابت کیا کہ وہ ہر صورت میں پاکستان کا ساتھ دیتا ہے، پاکستان کو ترکی جیسے برادر ملک پر فخر ہے۔

دوسری جانب گذشتہ دنوں وزیر خارجہ کا ایک ٹوئٹ میں کہنا تھا کہ ایف اے ٹی ایف اجلاس میں پاکستان کو واچ لسٹ میں شامل کرنے کا معاملہ 3 ماہ کے لیے مؤخر ہوگیا ہے اور جون میں اس کا دوبارہ جائزہ لیا جائے گا۔

واضح رہے کہ بھارتی میڈیا میں یہ خبریں زیرگردش تھیں کہ پاکستان کو فنانشل ایکشن ٹاسک فورس نے گرے لسٹ میں شامل کرلیا ہے۔