چین حاملہ خاتون کو فوری اسپتال لے جانے کیلیے 18 سگنل گرین کردیے گئے

زچگی کے درد سے تڑپتی ہوئی خاتون کو محض 9 منٹ میں 12 کلومیٹر دور اسپتال پہنچا دیا گیا۔

ویب ڈیسک February 23, 2018

زچگی کے درد سے تڑپتی ہوئی خاتون کو محض 9 منٹ میں 12 کلومیٹر دور اسپتال پہنچا دیا گیا۔ فوٹو: فائل

چین میں زچگی کے درد سے تڑپتی ہوئی خاتون کو بروقت اسپتال پہنچانے کے لیے ٹریفک پولیس نے 18 سگنلز کی لائٹس 'گرین' کردیں۔

چینی میڈیا رپورٹس کے مطابق جنوب مغربی صوبے کے شہر میانیانگ میں ٹریفک پولیس نے حاملہ خاتون کو اسپتال لے جانے والی نجی گاڑی کا راستہ نان اسٹاپ بنادیا جو دنیا میں آنے والے نئے مہمان کے لیے لائف لائن بن گیا۔

یہ خبر بھی پڑھیں: آسٹریلوی خاتون 10 دن میں دوبار حاملہ ہوگئیں

زچگی کے درد میں تڑپتی ہوئی خاتون کو جس اسپتال لے جانا تھا وہ اس کے گھر سے 12 کلومیٹر دور تھا اور عام حالات میں یہ فاصلہ آدھے گھنٹے سے زائد وقت میں طے ہوتا ہے تاہم پولیس نے خاتون کو بروقت اسپتال پہنچانے کے لیے راستے میں آنے والے 18 سگنلز کو 'گرین' کرکے نہ صرف راستہ نان اسٹاپ بنایا بلکہ صرف 9 منٹ میں 12 کلومیٹر کی مسافت طے کرادی۔

اسپتال پہنچنے کے بعد خاتون نے بچے کو جنم دے دیا اور اب زچہ وبچہ کی حالت خطرے سے باہر بتائی جاتی ہے۔