شاہد آفریدی کا باؤنڈری لائن پر ناقابل یقین کیچ شائقین خوش

شاہد آفریدی نے گیند کو ہوا میں اچھالا اور واپس آ کرکیچ مکمل کرتے ہوئے اپنے مخصوص انداز میں جشن منایا۔ فوٹو: سوشل میڈیا

---

پی ایس ایل کے دوسرے روز پہلے میچ میں شاہد آفریدی کے حیران کن کیچ نے جوانی کی یادیں تازہ کر دیں۔

کوئٹہ گلیڈی ایٹرز کی اننگز میں ثابت قدمی کا مظاہرہ کرنے والے عمرامین نے محمدعرفان کی گیند فضائی روٹ سے باہر بھیجنے کی کوشش کی تو لانگ آن پر موجود آل راؤنڈر چیتے کی طرح اس پر لپکے، دائیں ہاتھ سے کیچ لیتے ہی محسوس کیا کہ وہ باؤنڈری لائن سے باہر جا رہے ہیں، انھوں نے گیند کو ہوا میں اچھالا اور واپس آ کرکیچ مکمل کرتے ہوئے اپنے مخصوص انداز میں جشن منایا اور پورا اسٹیڈیم تالیوں سے گونج اٹھا۔