ن لیگ اور پی پی دونوں نے سلیم سیف اللہ کی حمایت کردی فضل الرحمن سے مقابلہ کرینگے

جمعیت علمائے اسلام کے سربراہ مولاناسمیع الحق اورجماعت اسلامی نے بھی سلیم سیف اللہ کی حمایت کا اعلان کردیاہے۔ فوٹو:فائل

---

دوروایتی حریف جماعتوں مسلم لیگ(ن) اورپیپلزپارٹی نے لکی مروت حلقہ این اے27سے سابق وفاقی وزراء اورمسلم لیگ(ق) ہم خیال کے سربراہ سلیم سیف اللہ خان کی حمایت کااعلان کرتے ہوئے ان کے مقابلے میں اپنے امیدوار کھڑے نہ کرنے کااصولی فیصلہ کرلیاہے۔

سلیم سیف اللہ خان آزاد امیدوارکی حیثیت سے انتخابات میں حصہ لے رہے ہیں۔ ملک بھرسے سلیم اللہ خان واحد ایسے امیدوارہیں جومسلم لیگ(ن)اورپیپلزپارٹی کے مشترکہ امیدوارہیں ۔ یہاں یہ امر قابل ذکرہے کہ جمعیت علمائے اسلام کے سربراہ مولاناسمیع الحق اورجماعت اسلامی نے بھی سلیم سیف اللہ کی حمایت کا اعلان کردیاہے۔ این اے27 سے مولانافضل الرحمن سلیم سیف اللہ کے مد مقابل امیدوار ہیں۔سلیم سیف اللہ خان نے ''ایکسپریس''کے استفسارپربتایاکہ میرے مدمقابل امیدوارجے یو آئی(ف) کے سربراہ مولانافضل الرحمن انتخابی مہم میں سرکاری گاڑیاں استعمال کررہے ہیں۔