طاہرہ رحمان نے نیوز اینکر بننے کا پختہ عزم رکھا تھا،فوٹو:فائل
27سالہ طاہرہ رحمان امریکی ٹی وی چینل'سی بی ایس ' میں حجاب کے ساتھ آن ایئر ہوئیں اور بطور نیوز اینکر خبریں پڑھ کراپنے خوابوں کو حقیقت میں بدل دیا۔طاہرہ رحمان نے نیوز اینکر بننے کا پختہ عزم رکھا تھا اور مقصد کے حصول کے لیے انہوں نے سب سے پہلے صحافت میں اعلیٰ تعلیم حاصل کی۔
یہ خبر بھی پڑھیں: کینیڈا کی پہلی باحجاب نیوز کاسٹربن گئیں
شکاگو کی لویولا یونیورسٹی سے تعلیم مکمل کرنے کے بعد انہوں نے صحافت کے شعبے میں قدم رکھتے ہوئے کیریئر کا آغاز ریڈیو سے کیا۔ریڈیو پر کچھ عرصہ خبریں پڑھنے کے بعد ٹی وی چینل میں انٹرنشپ کی اور رپورٹر کے ساتھ ساتھ نیوز پروڈیوسر کی ذمہ داریاں انجام دیتی رہیں۔
باصلاحیت طاہرہ نے جلد ہی خود کو بطور نیوز اینکر کے تیار کرنا شروع کردیا تاہم اس دوران حجاب کرنے پر انہیں تنقید کا نشانہ بنایا جاتا رہا لیکن انہوں نے تمام رکاوٹوں کوعبور کرتے ہوئے حجاب اتارے بغیر ٹی وی نیوز اینکر بن کر ناقدین کے منہ بند کردیے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔