امریکی ریاست ورجینیا میں شدید دھند کے باعث 75 گاڑیاں آپس میں ٹکرا نے سے 3 افراد ہلاک اور 25 زخمی ہوگئے۔
غیر ملکی خبر رساں ادارے کے مطابق حادثہ ریاست ورجینیا اور نارتھ کیرولینا کی سرحد کے قریب انٹرا اسٹیٹ ہائی وے پر پیش آیا، حادثے کے نتیجے میں متعدد گاڑیوں میں آگ بھڑک اٹھی، فائر بریگیڈ اور ریسکیو ٹیموں نے آگ بجھاکر زخمیوں کو علاج کے لئے اسپتال منتقل کردیا جہاں کئی کو ابتدائی طبی امداد فراہم کرنے کے بعد فارغ کر دیا گیا جبکہ شدید زخمیوں کا علاج تاحال جاری ہے ۔
ریاست ورجینیا کی انتظامیہ نے شدید دھند کے باعث انٹرا اسٹیٹ ہائی وے کوعام ٹریفک کے لئے بند کرتے ہوئے شہریوں کو متبادل راستہ اپنانے کی ہدایت کی ہے۔