مینز آئس ہاکی جرمنی کی فائنل میں ہار روس نے گیمز میں دوسرا گولڈ میڈل پالیا

کیریل کیپریزووا نے ’ گولڈن گول ‘ بناکر روسی آئس ہاکی میں اپنا نام درج کرالیا۔ فوٹو: سوشل میڈیا

---

مینز آئس ہاکی میں روس نے جرمنی کو شکست دیکر طلائی تمغہ جیت لیا۔

ڈوپنگ اسکینڈل کے سبب اولمپک پرچم تلے شریک روسی ٹیم نے فائنل میں دلچسپ مقابلے کے بعد 4-3 سے کامیابی سمیٹی،جو حالیہ ونٹر گیمز میں روسی ٹیم کا دوسرا گولڈ میڈل بھی ثابت ہوا۔

اس سے قبل لیڈیز اسکیٹنگ میں الینا زیگیوٹوا نے طلائی تمغہ پایا تھا، کیریل کیپریزووا نے ' گولڈن گول ' بناکر روسی آئس ہاکی میں اپنا نام درج کرالیا، انھوں نے اضافی ٹائم کے 9:40 سیکنڈز میں گول بنایا۔

واضح رہے کہ 1992 کے بعد روس نے ایونٹ میں پہلی بار گولڈ میڈل حاصل کیا۔