عمران خان نے بشریٰ بی بی کا تعارف پارٹی رہنماؤں سے کروایا؛ فوٹوفائل
ایکسپریس نیوز کے مطابق پی ٹی آئی چیئرمین عمران خان کی مختصر دعوت ولیمہ کی تقریب گزشتہ روز بنی گالہ میں ان کی رہائشگاہ میں خاموشی سے کردی گئی۔ ذرائع کے مطابق دعوت ولیمہ میں اسد عمر، جہانگیر ترین، فواد چوہدری، عاطف خان، پرویز خٹک،علی زیدی، عمران اسماعیل، عامر کیانی، فیصل جاوید، عون چوہدری شریک ہوئے۔ جب کہ عمران خان کی اہلیہ بشریٰ بی بی بھی دعوت ولیمہ میں شریک تھیں۔ تقریب کے دوران عمران خان نے اپنی اہلیہ بشریٰ بی بی کا تعارف پارٹی رہنماؤں سے کرایا۔ ذرائع کے مطابق دعوت ولیمہ میں شرکاء کی مٹن، بکر امسلم، تیتر اوربٹیر سے تواضع کی گئی۔
اس خبرکوبھی پڑھیں: عمران خان نے تیسری شادی کرلی
واضح رہے کہ رواں ماہ 18 فروری کو پی ٹی آئی سربراہ عمران خان کی بشریٰ مانیکا کے ساتھ تیسری شادی کی تصاویرمنظر عام پر آئی تھیں، جس میں بشریٰ مانیکا کے گھر والوں، عمران خان کے پولیٹیکل سیکریٹری عون چوہدری اور دوست ذلفی بخاری سمیت دیگر پی ٹی آئی رہنماؤں نے شرکت کی تھی۔ تیسری شادی کی تصدیق کے بعد پی ٹی آئی کی جانب سے اعلان کیا گیا تھا کہ چند روز بعد عمران خان کی رہائشگاہ بنی گالہ میں دعوت ولیمہ کی تقریب منعقد کی جائے گی۔
اس خبرکوبھی پڑھیں: عمران خان کی تیسری شادی کی کامیابی یا ناکامی سے متعلق پیشگوئی
واضح رہے کہ عمران خان کی بشریٰ مانیکا کے ساتھ یہ تیسری شادی ہے اس سے قبل انہوں نے 1995 میں جمائمہ گولڈ اسمتھ سے شادی کی تھی جن سےان کے دوبیٹے ہیں، جب کہ دوسری شادی جنوری 2015 میں ریحام خان سے کی تھی جو صرف10 ماہ ہی چل سکی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔