عدالتی فیصلے بیگم کا حکم نہیں جو نواز شریف نہ مانیں فواد چوہدری

پاکستان کی سب سے بڑی جماعت تحریک انصاف ہے، فواد چوہدری۔ فوٹو : فائل

---

ترجمان تحریک انصاف فواد چوہدری کا کہنا ہے کہ عدالتوں کے فیصلے بیگم صاحبہ کا حکم نہیں جو نواز شریف نہ مانیں انہیں عدالت نے نااہل کیا ہے اسے ماننا ہوگا۔

نواز شریف کے بیان پر رد عمل دیتے ہوئے ترجمان تحریک انصاف فواد چوہدری کا کہنا تھا کہ نواز شریف کو سپریم قائد منتخب کرلیا ہے اس سے پہلے صدام حسین اور معمر قزافی بھی سپریم قائد تھے، اللہ نواز شریف کو ایسے انجام سے بچائے۔ ان کا کہنا تھا کہ عدالتوں کے فیصلے بیگم صاحبہ کا حکم نہیں جو نہ مانیں، انہیں عدالت نے نااہل کیا ہے اسے ماننا ہوگا۔

فواد چوہدری نے کہا کہ 4 مارچ سے عمران خان ملک گیر دوروں کا آغاز کررہے ہیں، اسی دن سے انتخابی مہم شروع کردیں گے جب کہ پاکستان کی سیاست عمران خان کے دروازے پر جارہی ہے، مسلم لیگ (ن) اس وقت 100 نشستوں کی پارٹی ہے جب کہ پاکستان کی سب سے بڑی جماعت تحریک انصاف ہے۔