سری دیوی کی سرکاری اعزاز کے ساتھ آخری رسومات

ہندو رسم ورواج کے مطابق اداکارہ سری دیوی کو آخری وقت میں دلہن کی طرح سجایا گیا؛ فوٹوفائل

---

MULTAN: بالی ووڈ کی لیجنڈری اداکارہ سری دیوی کی آخری رسومات سرکاری اعزاز کے ساتھ ادا کردی گئیں۔



آخری رسومات کے دوران پولیس کے دستے نے اداکارہ کی میت کو سلامی دی اور ان کی لاش کو بھارتی پرچم میں لپیٹا گیا۔ ہندومذہب کے رسم ورواج کے مطابق اداکارہ کو آخری وقت میں دلہن کی طرح سجایا گیا۔





بالی ووڈ اداکارہ مادھوری ڈکشٹ، ہیمامالنی، روینہ ٹنڈن، جیا بچن اور ہیمامالنی سمیت بالی ووڈ کے تمام اداکاروں نے آنجہانی اداکارہ سری دیوی کی آخری رسومات میں شرکت کی۔



چار روز قبل دبئی کے ایمریٹس ہوٹل میں آخری سانسیں لینے والی بالی ووڈ کی لیجنڈری اداکارہ سری دیوی اپنے شوہر بونی کپور اور چھوٹی بیٹی خوشی کپور کے ہمراہ بھانجے کی شادی میں شرکت کے لیے دبئی گئی تھیں۔

اس خبرکوبھی پڑھیں: موت سے کچھ دیر قبل ہوٹل کے کمرے میں سری دیوی کے ساتھ کیا ہوا؟



لیکن کسی کو کیا خبر تھی کہ شادی کی تقریب میں خوشی خوشی شرکت کرنے والی اداکارہ سری دیوی کا یہ آخری سفر ہے۔ چار روز قبل سری دیوی کی موت کی خبر نے ان کے گھروالوں سمیت دنیا بھر میں موجود ان کے چاہنے والوں کو حیرت زدہ کردیا۔



اس خبرکوبھی پڑھیں: سری دیوی کی موت کی فرانزک رپورٹ



ابتدا میں ان کی موت کی وجہ دل کادورہ قرار دیا جارہا تھا تاہم فرانزک رپورٹ منظر عام پر آنے کے بعد انکشاف ہوا کہ سری دیوی اپنی موت سے قبل نشے میں تھیں اور ان کی موت باتھ ٹب میں ڈوبنے کے باعث ہوئی ہے۔



دبئی پولیس کی جانب سے اداکارہ کی لاش تفتیش کیلئے دبئی پولیس پروسیکیوشن کے حوالے کردی گئی تھی جس کی وجہ سے ان کی لاش واپس بھارت لانے میں تاخیر ہورہی تھی، تاہم گزشتہ روز تحقیقات مکمل کرنے کے بعد ان کی لاش لواحقین کے حوالے کردی گئی۔ جسے بھارتی صنعتکار مکیش امبانی کے خصوصی طیارے کے ذریعے ممبئی لایا گیا۔

اس خبرکوبھی پڑھیں: سری دیوی نے اپنی آخری رسومات سے متعلق اہل خانہ کو آگاہ کردیا تھا



سری دیوی کی میت آج صبح ممبئی لوکھنڈوالا میں سیلیبریشن اسپورٹس کلب میں رکھ دی گئی تھی جہاں ان کا آخری دیدار کرنے کیلئے ان کے گھروالوں سمیت بالی ووڈ کی تمام بڑی شخصیات پہنچیں۔



اس موقع پر اسپورٹس کلب کے باہر سیکیورٹی کے انتہائی سخت انتظامات کیے گئے تھے۔