مقبوضہ کشمیر میں بھارتی فوج کی فائرنگ سے نوجوان شہید

نوجوان کی شہادت اور بھارتی فوج کے آپریشن کے خلاف وادی میں احتجاج شروع ہوگیا ہے

ویب ڈیسک March 01, 2018

شہید ہونے والے نوجوان کا تعلق عسکریت پسند گروپ سے ہے، بھارتی فوج کا دعویٰ فوٹو:فائل

مقبوضہ کشمیر کے ضلع بانڈی پورہ میں بھارتی فوج نے ریاستی دہشتگردی کا مظاہرہ کرتے ہوئے نوجوان کو شہید کردیا۔

کشمیر میڈیا سروس کےمطابق ضلع بانڈی پورہ کے علاقے ہاجن میں بھارتی فوج کے آپریشن کے دوران نوجوان شہید ہوگیا۔ بھارتی پولیس آفیسر نے دعویٰ کیا ہے کہ شہید ہونے والے نوجوان کا تعلق عسکریت پسند گروپ سے تھا اور وہ بھارتی فوج کے ساتھ مقابلے کے دوران مارا گیا۔

اس خبرکوبھی پڑھیں: بھارتی فوج کی فائرنگ سے 2 کشمیری نوجوان شہید

نوجوان کی شہادت اور بھارتی فوج کے آپریشن کے خلاف علاقے میں احتجاج شروع ہوگیا ہے، جب کہ بھارتی فوج نے مظاہرین کو منتشر کرنے کیلئے طاقت کا استعمال کیا۔

دوسری جانب ضلع پلوامہ کے ترال علاقے میں 38 سالہ شخص اعجاز احمد شاہ کو نامعلوم مسلح شخص نے فائرنگ کرکے قتل کردیا۔