شاہ رخ خان نے مقبولیت میں ہالی ووڈ اداکار ٹام کروز کو پیچھے چھوڑدیا

فہرست میں شاہ رخ خان کے ساتھ سنی لیون اور سلمان خان بھی شامل ہیں؛ فوٹوفائل

---

بالی ووڈ کے بادشاہ شاہ رخ خان نے مقبولیت میں ہالی ووڈ اداکار ٹام کروز سمیت متعدد سپر اسٹارز کو پیچھے چھوڑ دیا۔

بالی ووڈ کنگ شاہ رخ خان صرف بھارت میں ہی مقبول نہیں ہیں بلکہ ان کی شہرت پوری دنیا میں پھیلی ہوئی ہے اور انہوں نے مقبولیت میں ٹام کروز، لیونارڈو ڈی کیپریو، انجلینا جولی اور ڈوین جانسن سمیت متعدد ہالی ووڈ سپراسٹارز کو پیچھے چھوڑدیا ہے۔

اس خبرکوبھی پڑھیں: شاہ رخ خان کے مداحوں کی تعداد 2 کروڑ

بھارتی میڈیا کے مطابق شاہ رخ خان گزشتہ دس برس کے دوران وکی پیڈیا پر دوسرے نمبر پر سب سے زیادہ سرچ کیے جانے والے اداکار قرارپائے ہیں۔ حال ہی میں شاہ رخ خان فین پیج نامی ٹویٹر اکاؤنٹ سے گزشتہ دس برس کے دوران دنیا بھر کے مقبول ترین اداکاروں کی فہرست جاری گئی ہے، جس میں بالی ووڈ کے ساتھ ہالی ووڈکے 32 اداکاروں کے نام بھی شامل ہیں۔ فہرست کے مطابق دسمبر 2007 سے لے کر دسمبر 2017 تک دنیا بھر کے لوگوں نے وکی پیڈیا پر ہالی ووڈ اداکارہ کم کرڈشیان کے بعد شاہ رخ خان کو سب سے زیادہ سرچ کیا۔

Shah Rukh Khan's Wikipedia page becomes the 2nd most viewed wiki page for actors worldwide from Dec 2007 - Dec 2017.
Global icon for a reason!🙌❤️ pic.twitter.com/bj9Eqqg1Nq

— Shah Rukh Khan Universe Fan Club (@SRKUniverse) March 2, 2018

شاہ رخ خان کے علاوہ اس فہرست میں بالی ووڈ اداکارہ سنی لیون 20 ویں اور سلمان خان 29 ویں نمبر پر شامل ہیں۔