تیاریوں کا جائزہ لینے کراچی جارہا ہوں فائنل سے قبل اسٹیڈیم تیار ہوگا نجم سیٹھی

پی سی بی نیشنل اسٹیڈیم کو پی ایس ایل فائنل کے لئے تیار کرنے میں دن رات کام کررہا ہے، نجم سیٹھی . فوٹوفائل

---

پاکستان کرکٹ بورڈ کے چیئرمین نجم سیٹھی نے کہا ہے کہ تیاریوں کا جائزہ لینے کراچی جارہا ہوں، فائنل سے قبل اسٹیڈیم تیار ہوگا۔

نجم سیٹھی کا کہنا ہے کہ پی سی بی نیشنل اسٹیڈیم کو پی ایس ایل فائنل کے لئے تیار کرنے میں دن رات کام کررہا ہے، میں خود تیاریوں کا جائزہ لینے کے لئے کراچی جا رہا ہوں، مجھے امید ہے کہ 25 مارچ کو فائنل سے قبل اسٹیڈیم تیار ہوگا۔ انہوں نے اپنی ٹوئٹ میں کراچی کے شہریوں کو مخاطب کرتے ہوئے تیار ہونے کا بھی کہا۔

PCB is working overtime to get NSK ready for PSL3 Final on 25th March. I am going to Karachi to check preparations and make sure of it. Karachi: Ready, Steady ....

— Najam Sethi (@najamsethi) March 3, 2018

واضح رہے کہ ان دنوں پاکستان سپر لیگ کا تیسرا ایڈیشن متحدہ عرب امارات کے دبئی اور شارجہ اسٹیڈیمز میں جاری ہے، 2 پلے آف میچز قذافی اسٹیڈیم لاہور جب کہ فائنل کراچی کے نیشنل اسٹیڈیم میں کھیلا جائے گا۔