رکن سندھ اسمبلی روبینہ قائمخانی ووٹ ڈالنے کے بعد بیٹے کی تدفین کے لیے گئیں

جمعے کے روز روبینہ قائمخانی کا جواں سال فرزند سی ویو پر ٹریفک حادثے میں جاں بحق ہوگیا تھا۔ فوٹو: فائل

---

رکن سندھ اسمبلی روبینہ قائمخانی سینیٹ الیکشن میں ووٹ ڈالنے کے بعد اپنے بیٹے کی تدفین کیلیے حیدرآباد گئیں۔

روبینہ قائمخانی نے پہلے سندھ اسمبلی آکر ووٹ ڈالا اور اس کے بعد اپنے بیٹے کی تدفین میں شرکت کیلیے حیدرآباد گئیں۔ یاد رہے کہ جمعے کو روبینہ قائمخانی کا جواں سال فرزند سی ویو پر ٹریفک حادثے میں جاں بحق ہوگیا تھا۔

سندھ اسمبلی میں سینیٹ الیکشن کے لیے پہلا ووٹ روبینہ قائمخانی نے ڈالا اور ووٹ کی اہمیت کو ترجیح دے کر مثال قائم کردی جب کہ سندھ اسمبلی میں آخری ووٹ سہیل انور سیال نے استعمال کیا۔