ڈیرن سیمی اور حارث سہیل انجریز کے باعث ایک ہفتے کیلیے کھیل سے دور

بطور حارث کور اپ عمید آصف ٹیم کے ہمراہ رہیں گے، ڈیرن سیمی کے کور کیلیے اسکواڈ میں لیام ڈاسن بھی موجود ہیں۔ فوٹو: سوشل میڈیا

---

پی ایس ایل میں ان فٹ کرکٹرز کی تعداد بڑھنے لگی تاہم پشاور زلمی کے کپتان ڈیرن سیمی اور مڈل آرڈر بیٹسمین حارث سہیل انجریز کے باعث کم سے کم ایک ہفتے کیلیے کھیل سے دور ہوگئے۔

ڈیرن سیمی جمعرات کو کوئٹہ گلیڈی ایٹر کے خلاف میچ میں انجرڈ ہوئے تھے جب کہ حارث سہیل کو پریکٹس سیشن کے دوران ہاتھ پر چوٹ آئی تھی۔ بطور حارث کور اپ عمید آصف ٹیم کے ہمراہ رہیں گے، ڈیرن سیمی کے کور کیلیے اسکواڈ میں لیام ڈاسن بھی موجود ہیں۔

پہلے سے انجرڈ حسن علی اب فٹ ہوگئے اور گذشتہ روز لاہور قلندرز سے میچ میں پشاور زلمی کی نمائندگی بھی کی۔ اس سے قبل شاہد آفریدی، رومان رئیس ، جوفرا آرچر بھی انجرڈ کرکٹرز کی فہرست میں شامل ہو چکے ہیں۔

واضح رہے کہ پشاور زلمی کے کپتان ڈیرن سیمی اور حارث سہیل ہفتے کی شب کولاہور قلندرز کے خلاف کھیلے گئے میچ میں شریک نہیں تھے، جس میں قیادت کی ذمہ داری محمد حفیظ نے نبھائی۔